محتار ارجوكو انصحونى

السلام عليكم ورحمة الله

يا ريت يا جماعة تسعدوني برأيكم عشان انا محتار جدا

انا خطبت واحدة ,, تعرفت عليها عن طريق التدريب الصيفى فى احد الشركات (حيث انها فى كليه عمليه)
وبصراحة هى اللى لفتت نظرى ليها باهتمامها ... وانا فى ذلك الحين كنت ببحث عن عروسه
ففكرت وقلت لما لا ربما تكون هى الزوجة الصالحة
وتعرفت منها على اسرتها ... وحدت معاد للقاء والدها
ولكن لما دخلت البيت وجدت انه بيت عادى مثل اى بيت ... ولم أجد فيه المستوى الاجتماعي او الديني الذي كنت احلم بيه
ورغم ذلك قلت لنفسى أن البنت ليس لها ذنب ... وانا ممكن اعلمها واعودها على الحجات اللى انا عاوزها
واقدمت على الخطوة وتكلمت مع أسرتها واتفقنا على الأمور المتعارف عليها وحددنا معاد الخطوبه
المشكله بأه ان يوم الخطوبة ... حسيت بضيقة وقلت لنفسى معقول ده حلمى اللى بحلم بيه .. وأحسست بضيقه فى نفسي بعد ان انتهت حفله الخطوبة ....
وخصوصا انى طلبت منها انها تلبس طرحة فى الفرح وقلتها متعملش ميكب ملفت او مزعج .. وفوجئت انها عملت اللى هى عوزاه وكأنى لم اقل شىء .. ولما بعاتبها تقولي دا يوم وعاوزه افرح .. حسيت سعتها ان الدين والتمسك بالمبادئ بتكون مزروعة فى الواحده من التربيه وليس من التلقين . فأثر ذلك فى نفسى وخفت على حياتى ان اكون لم اختار الاختيار الموفق
وتخيلت ايضا ان المستوى الأسرى والاجتماعي سيؤثر علينا فيما بعد
وانا الان فى قلق ومش عارف اعمل ايه
هل انا اخترت خطأ ؟؟؟ وماذا افعل حتى أحس انى حققت حلمى فى اختيارى الموفق واحس بالسعادة

ان ماتفعله كثيرا يقع فيه الشباب فيحكم على المظهر الخارجى قبل الداخلى واذا كان هذا احساسك فى يوم المفروض يكون اسعد ايام حياتك فصدقنى قلب المؤمن دليله فان الخطوبه لن تستمر ولكى تخلص ضميرك اجلس معها وضع شروطك ومطالبك فى الانسانه التى تريد ان تكون شريكه حياتك فاذا وافقت خير وان لم توافق فانت لسه على البر