وسعوا هيك كعك العيد اجا ادخلوا وشوفوا

المقادير:

4 اكواب سميد وسط
2 كوب طحين
نص كوب سكر بودرة
كوب زبدة سايحة
نص كوب زيت نباتي
ملعقة زغيرة خميرة مدوبة بشوية ماء
كوب حليب سائل
ملعقة كبيرة بهارات الكعك(يانسون -محلب-شومر)
ملعقة كبيرة ماء زهر_اختياري

قوالب للتشكيل..


الحشوات..

حشوة التمر (تمر منزوع النواة معجون مع شوية زبدة وقليل من القرفة)
حشوة الجوز(جوز مفروم ناعم-ملعقة زغيرة ماء زهر-سكر بودرة -ملعقة جوز الهند اختياري)
حشوة الفستق الحلبي(فستق مفروم ناعم-ملعقة زغيرة ماء زهر-سكر بودرة )

الطريقة

بوعاء عميق ضعي السميد والزبدة السايحة وافركي جيد بالاصابع وراحة اليد
حتى تتخلط الزبدة مع السميد جيدا ثم غطي الخليط واتركيه 12 ساعة ...
بامكانك وضعه بالثلاجة واخراجه قبل الاستعمال بنص ساعة..





بعد المدة المحددة ..امزجي الطحين والسكر البودرة مع بعض مع رشة ملح ثم اضيفيها لخليط السميد
مع الفرك براحة اليد والاصابع جيدا ..ثم اضيفي الزيت والخميرة المذوبة واعجني جيدا..



اضيفي بهارات الكعك وملعقة ماء الزهر وكوب الحليب واعجني جيدا ..لمدة 10 دقائق..
للحصول على عجينة ملساء قابلة للتشكيل..ثم اتركيها ترتاح حتى تحضري الحشوات..



ملاحظة هامة :

اذا كانت العجينة لينة كتيرا بامكانك اضافة القليل من الطحين وان كانت متماسكة جدا
نضيف بعض الحليب ...المهم نحصل على عجينة طرية متماسكلة..

هنااا..ساستخدم فقط حشوة التمر لاننا نفضلها اكتر من غيرااا...

قمت بعجن التمر مع الزبدة والقرفة وشكلتها كور صغيرة..



شكلي عجينة الكعك الى كور بحجم القالب المستخدم..وضغي بكل كرة من العجينة كرة صغيرة
من التمر ..وغلفيها جيدا..



ضعي الكرة المحشية بالتمر داخل القالب ومدديها براحة اليد..ثم اقلبيها (اضربي القالب عالطاولة )





كملي المقدار..اذا حبيتي تضيفي السمسم فاختياري..





اخبزي الكعك بفرن متوسط الحرارة ...حمريه من اسفل ثم من اعلى ...ثم اتركيه ليبرد قليلا ..

ثم قدميه..بالهناااا والشفاااااااا...





أقرب لعيونكن...



من جوااا طريه ومقرمشة ...





مع تحياتي
الملاك البريئة

مشكورة اختي الملاك على اجمل كعك

ومدام انتي قلتي فيها يلا الاعضاء كلهم

بدهم يدوقوا من كعكك

وخصصي طبق الي

ههههههههههههههههه

تحياتي الك ملاك على مجهودك الرائع

ودمتي بتالق

مشكورة ملاك على الطبق واعتبريه وصل

تحياتي الك على مجهودك الرائع

يسلمو كتير
ولايهمك احلى صحن لاحلى عيون
تحياتي
الملاك البريئة

اهلا وسهلا
بتشرفنا واحلى صنية كعك الك
تحياتي
الملاك البريئة