لا تفتقدنـي والفكـر فيـك عامـر
لي فيك عمرٍ زل عشقـي ظلالـك
تذكر؟ يوم اني جيت والشوق غامر
وتذكر يوم انك رحت والهجر فالك
أنا على خبرك على صاحبك مُـر
وانا على خبرك مع العهـد سالـك
اهواك لو كان العنـا فـيَِ غابـر
واهواك لـو راح العمـر للتهالـك
واغليك من زود الغلا الحب دامـر
واذكرك لو زاد العنـاا كلهـا لـك
واعف واكـره واتجنـى واغامـر
واروح وارجع والهنا في وصالـك
واسقيك من زود الغلا عشق غامـر
غنى يقول القلب فـالصدر شالـك
ايه الهوى واهل الهوى وانت تامـر
يابو غلا فيك الحلا حَـل جالـك؟
ذكرتني بك وانت تذكـر وشامـر
عن قلبي اللـي فيـك ذاق المهالـك
رح دام انا ويـاك بعيـون سامـر
يذكر زمانك يـوم شافـك وجالـك
منساك لين البدو تنسـى المطامـر
على الرقاب الخضر والثار حالـك
ومنساك لين الروم تنسـى المقامـر
والا البدو ينسون ( ياكيف حالك ) ؟
هذا انا واسمي مـع الحـب عامـر
حتى الأسامي كل أبوهـا حلالـك